Xoguetes imprescindibles para as crianzas

A través do xogo as crianzas descobren quen son, como é o mundo, cales son as súas cualidades. É a súa maneira de canalizar o que pensan e sinten, de reforzar o que son, de probar e errar nun entorno seguro.

Nestas pasadas semanas, moito nos teñen preguntado na tenda sobre cal é o «mellor xoguete» para esta ou aquela idade. É unha pregunta con resposta imposible ;)… pero aquí vai unha listaxe dos materiais que para min son imprescindibles.

 

Pezas soltas. Exploración e creatividade

É importante que algúns dos «xoguetes» que teñan as crianzas sexan materiais de xogo non estructurado.  Que non teñan ningún fin concreto. Paus, pedras, bloques, caixas…

  • Permiten que xurda o xogo simbólico, e non só a imitación.
  • Serven para crear minimundos, explorar e entender o mundo.
  • Acompañan as nosas crianzas en longos periodos de tempo, dende o seu xogo de exploración ata a creación de Minimundos, clasificación, conteo…

Os sacos sorpresa de Milaniwood, son unha opción xenial. Conteñen varios centos de pezas de madeira de faia e cada saco é unha sorpresa.

 

Panos. Posibilidades sen fín

Os panos son un material de xogo espectacular; teñen infinitas posibilidades e tamén irán medrando coa túa crianza. Retais, sábanas, sedas.. Son capaces de transformalo todo:

  • Permiten desparecer. Cucú;)
  • Son moi fáciles de manipular.
  • Dan calidez e son confortables, acarician.
  • Serven para crear refuxios, disfrazarse ou construir minimundos.

Golpea e cae. Causa-efecto

Golpear as bolas require coordinación entre o ollo e a man. Petar é un dos xogos preferidos nos primeiros anos, polo que pasarán un bo rato petando e vendo caer as bolas.

  • Permite descubrir a causa-efecto, entre o golpe e a caída da bola.
  • Traballan conceptos como permanencia, repetición e distinción das cores..
  • Petar forte ou suave, control corporal e ritmo, son fundamentais para a aprendizaxe da fala.

12 Nins. Xogo simbólico e de imitación

Os Nins abren infinitas posibilidades de xogo. Non teñen xenero, tampouco indumentarida nin expresión. Por iso é un material tan rico, porque poden selo todo na mente das crianzas. Unha bailarina, unha médico, unha granxeira, papá, mamá ou eu. Está triste ou está content@?

Permiten o xogo simbólico e de imitación, fundamental para a compresión do mundo e a adquisición de habilidades sociais.

Nins de Grapat

 

Masa de modelar. 

Traballar con masas e texturas é importante. Deixar que se ensucien, que se mollen,.. O feedback sensorial transmítenos información fundamental  sobre o que nos rodea.

  • Modelar cas mans, permite  crear e  entender o mundo tridimensional. É un modo de auto-expresión e de trasladar a emoción.
  • Require planificación, destreza e manexo da frustración.
  • Permite centrarnos no proceso.
  • Invita a creatividade.

Arbore musical. Ritmo

A árbore musical é máxica. Fascina a crianzas e persoas adultas, polo delicado e afinado son que fan as canicas ao baixar polas follas de diferentes tamaños. Un son relaxante, ritmico, delicado e sutilmente acuático.

  • Permite interiorizar a escala musical, estimulando o oído.
  • As crianzas descubrirán o ritmo, fundamental para a aprendizaxe da fala.
  • Facer que baixen de unha en unha ou todas xuntas, axuda a interiorizar o concepto de unidade.
  • Seguir a cánica mentras baixa, é un bo entrenamento dos músculos oculares para o inicio da lectoescritura.

 

Bambán. Movemento, equilibrio, creatividade

A Bambán é polivalente, a súas posibilidades de xogo son infinitas: unha  ponte, un túnel, un tobogán… calquera cousa é posible cunha Bambán.

  • Permite desenvolver o equilibrio e control do corpo.
  • O sentido vestibular é clave para aprendizaxe e desenvolvemento da linguaxe, tamén é responsable do equilibrio emocional e do futuro equilibrio físico d@ nen@.
  • Estes movementos están preparando a base para o éxito nas actividades lectoras, matemáticas, capacidades da linguaxe, atención, autoconfianza, seguridade e equlibrio interior. (Podedes leer máis en  “La integración sensorial y el niño” de Jean Ayres)

 

Arco iris. Construcción

Xogar a construir estimula a motricidade fina, os razoamentos matemáticos, a lóxica espacial, é un estímulo para a creatividade e axuda a tolerancia da frustración. Perspectiva, ángulos e formas. Proba e error, que encaixa?

  • Permite a comprensión de conceptos complexos como equilibrio, simetría e resistencia.
  • Require destreza e concentración.
  • Necesita planificación e lóxica.

 

“Todas as aprendizaxes máis importantes da vida fanse xogando na primeira etapa da vida. De ahí a importancia do xogo e de permitirlles explorar en liberdade” Francesco Tonucci

Acerca de Elena Cacabelos Suárez

Soy Elena. De niña me contaron que hacer lo que realmente amas, aquello que de alguna manera resuena en ti y es consonante, vibra en la misma frecuencia, con lo que emocionalmente llevas dentro, hará que te sientas pleno, satisfecho, que puedas dar lo mejor de ti. Estudié derecho y trabajé como asesora financera en banca. Mi corazón me trajo a Gaia, donde trabajo en cooperativa con dos poderosas mujeres que me nutren y de las que aprendo cada día. Desde aquí, nuestro compromiso con la maternidad consciente, la crianza respetuosa el movimiento y el juego libre. Haciendo tribu. Grazas fillos por facerme pensar, repensar, crecer, aprender. Cada día pregúntate si realmente fas o que amas, se a resposta é negativa, segue buscando, segue o teu corazón.

Comentarios cerrados.